Archive for Robert Burns

A Man’s a Man for a’ that – Robert Burns

Posted in Poetry with tags , , , , on January 25, 2018 by telescoper

Is there for honest Poverty
That hings his head, an’ a’ that;
The coward slave-we pass him by,
We dare be poor for a’ that!
For a’ that, an’ a’ that.
Our toils obscure an’ a’ that,
The rank is but the guinea’s stamp,
The Man’s the gowd for a’ that.

What though on hamely fare we dine,
Wear hoddin grey, an’ a that;
Gie fools their silks, and knaves their wine;
A Man’s a Man for a’ that:
For a’ that, and a’ that,
Their tinsel show, an’ a’ that;
The honest man, tho’ e’er sae poor,
Is king o’ men for a’ that.

Ye see yon birkie, ca’d a lord,
Wha struts, an’ stares, an’ a’ that;
Tho’ hundreds worship at his word,
He’s but a coof for a’ that:
For a’ that, an’ a’ that,
His ribband, star, an’ a’ that:
The man o’ independent mind
He looks an’ laughs at a’ that.

A prince can mak a belted knight,
A marquis, duke, an’ a’ that;
But an honest man’s abon his might,
Gude faith, he maunna fa’ that!
For a’ that, an’ a’ that,
Their dignities an’ a’ that;
The pith o’ sense, an’ pride o’ worth,
Are higher rank than a’ that.

Then let us pray that come it may,
(As come it will for a’ that,)
That Sense and Worth, o’er a’ the earth,
Shall bear the gree, an’ a’ that.
For a’ that, an’ a’ that,
It’s coming yet for a’ that,
That Man to Man, the world o’er,
Shall brothers be for a’ that.

by Robert Burns (1759-1796)



To a Louse

Posted in Poetry, Politics with tags , on January 18, 2017 by telescoper

Ha! whaur ye gaun, ye crowlin ferlie?
Your impudence protects you sairly;
I canna say but ye strunt rarely,
Owre gauze and lace;
Tho’, faith! I fear ye dine but sparely
On sic a place.

Ye ugly, creepin, blastit wonner,
Detested, shunn’d by saunt an’ sinner,
How daur ye set your fit upon her-
Sae fine a lady?
Gae somewhere else and seek your dinner
On some poor body.

Swith! in some beggar’s haffet squattle;
There ye may creep, and sprawl, and sprattle,
Wi’ ither kindred, jumping cattle,
In shoals and nations;
Whaur horn nor bane ne’er daur unsettle
Your thick plantations.

Now haud you there, ye’re out o’ sight,
Below the fatt’rels, snug and tight;
Na, faith ye yet! ye’ll no be right,
Till ye’ve got on it-
The verra tapmost, tow’rin height
O’ Miss’ bonnet.

My sooth! right bauld ye set your nose out,
As plump an’ grey as ony groset:
O for some rank, mercurial rozet,
Or fell, red smeddum,
I’d gie you sic a hearty dose o’t,
Wad dress your droddum.

I wad na been surpris’d to spy
You on an auld wife’s flainen toy;
Or aiblins some bit dubbie boy,
On’s wyliecoat;
But Miss’ fine Lunardi! fye!
How daur ye do’t?

O Jeany, dinna toss your head,
An’ set your beauties a’ abread!
Ye little ken what cursed speed
The blastie’s makin:
Thae winks an’ finger-ends, I dread,
Are notice takin.

O wad some Power the giftie gie us
To see oursels as ithers see us!
It wad frae mony a blunder free us,
An’ foolish notion:
What airs in dress an’ gait wad lea’e us,
An’ ev’n devotion!

by Robert Burns (1759-1796)

P.S. This poem was written “On Seeing One On A Lady’s Bonnet, At Church 1786” but it – and the last verse is especially – is currently applicable to the pathetic jingoistic posturing of the UK government.



Winter: A Dirge

Posted in Poetry with tags on December 16, 2015 by telescoper

The wintry west extends his blast,
  And hail and rain does blaw;
Or the stormy north sends driving forth
  The blinding sleet and snaw:
While, tumbling brown, the burn comes down,
  And roars frae bank to brae;
And bird and beast in covert rest,
  And pass the heartless day.

“The sweeping blast, the sky o’ercast,”
  The joyless winter day
Let others fear, to me more dear
  Than all the pride of May:
The tempest’s howl, it soothes my soul,
  My griefs it seems to join;
The leafless trees my fancy please,
  Their fate resembles mine!

Thou Power Supreme, whose mighty scheme
  These woes of mine fulfil,
Here firm I rest; they must be best,
  Because they are Thy will!
Then all I want—O do Thou grant
  This one request of mine!—
Since to enjoy Thou dost deny,
  Assist me to resign.

by Robert Burns (1759-1796)

Rigid Body Sings

Posted in Poetry, The Universe and Stuff with tags , , , , on May 14, 2012 by telescoper

Gin a body meet a body
Flyin’ thro the air,
Gin a body hit a body,
Will it fly? And where?

Ilka impact has its measure
Ne’er a’ ane hae I
Yet a’ the lads they measure me,
Or, at least, they try.

Gin a body meet a body
Altogether free,
How they travel afterwards
We do not always see.

Ilka problem has its method
By analytics high;
For me, I ken na ane o’ them,
But what the waur am I?

by James Clerk Maxwell (1831-1879)

P.S. This poet is of course much better known as a physicist, but this is a nice little parody of Robert Burns’ Comin’ through the Rye in authentic Scots.